12/11/2015
Каб ведалі, каб помнілі…
70-годдзе Вялікай Перамогі – значная дата ў жыцці нашага народа. Ёй было прысвечана шмат мерапрыемстваў, якія праводзіліся ў Зашчоб’еўскай сярэдняй школе. Адно з іх – экскурсія ў Чырвонабярэжскі мемарыяльны комплекс “Дзецям – ахвярам вайны”, што ў Жлобінскім раёне. Гэта адзіны помнік у краінах былой СНД, прысвечаны дзецям – ахвярам вайны.
70-годдзе Вялікай Перамогі – значная дата ў жыцці нашага народа. Ёй было прысвечана шмат мерапрыемстваў, якія праводзіліся ў Зашчоб’еўскай сярэдняй школе. Адно з іх – экскурсія ў Чырвонабярэжскі мемарыяльны комплекс “Дзецям – ахвярам вайны”, што ў Жлобінскім раёне. Гэта адзіны помнік у краінах былой СНД, прысвечаны дзецям – ахвярам вайны.
Цяжкае і жудаснае відовішча паўстае перад нашымі вачыма. Тры рады белых мармуровых парт перад школьнай дошкай стаяць пад адкрытым небам… Нібы ручаінка паміж імі – чырвоны мармур, сімвалізуючы пралітую дзіцячую кроў. Больш за тысячу дзяцей з навакольных в ёсак загінулі тут. Яны былі донарамі для нямецкіх салдат і афіцэраў. Уражаныя і прыціхлыя стаялі нашы вучні, слухаючы экскурсавода. Пякучая горыч перапаўняла сэрцы, жалобныя слёзы засцілі вочы. Лічу, што нашы дзеці павінны ведаць гэта, помніць, якой цаной дасталася перамога і якія ахвяры прынесла тая кровапралітная вайна.
І яшчэ адно цудоўнае месца наведалі нашы вучні: Чырвонабярэжскі палаца-паркавы ансамбль, пабудаваны ў 19 стагоддзі. Якая прыгажосць ва ўсіх залах палаца! Вучні нібы апынуліся ў мінулым стагоддзі. Дзяўчаты ўяўлялі сябе ў бальных сукенках, хлапчукі – галантнымі кавалерамі. Дзеці ўсё рабілі і рабілі фотаздымкі, не маглі адарвацца ад люстэркаў і канап. У некалькіх залах размешчаны выставы мясцовых мастакоў. Вучні з цікавасцю затрымліваліся каля палотнаў мастацкай галерэі. І час, адведзены для гэтай экскурсіі, неўзабаве праляцеў. Напамінам аб ёй будуць сувеніры, якія дзеці набылі сабе.
Напрыканцы экскурсіі вучні наведалі Жлобінскі заапарк. Крыху стомленыя, але задаволеныя яны ехалі дадому і ўсё прыгадвалі, прыгадвалі, абменьваліся думкамі і марылі аб іншай паездцы ў іншае месца.
--- взято с сайта dneprovec.by ---